Sonque un afar de justícia ; Lo dèute de Paco

Duas novèlas ineditas de Michel Piquemal : 

Ua simpla question de justícia :
Mario qu'ei un mainat de las carrèras. Que sauneja, eth qui a ua mala hami, a un enterpan qu'a decidit de s'auherir dab cent cruzeiros qui's guarda preciosament au hons de la pòcha. Un còp de mei, aqueste matin, la polícia a tirat deu dromir la soa petita banda a grans còps de solièrs claverats. Quan s'aperceu, après la hurgada, que los policièrs l'an panat lo bilhet tà's crompar l'enterpan tant esperat, que s'embotuma. Lavetz, tot que's mescla e tot que va hèra viste.

Lo dèute de Paco :
Paco, eth, qu'ei orfalin. Que truca deu matin dinc au ser, au hons d'ua mina de carbon, entà pagar lo deute de son pair mort dens l'esbonida d'ua galeria. Paco qu'ei segur qu'un còp pagat lo deute que sortirà d'aqueth in.hèrn e que partirà tà har fortuna a Bogotà. Que i pensa, cada dia, tot lo dia, a cada còp de hotjada.

Contactar lo CAP'ÒC si avetz besonh de tribalhar sus las illustracions.