Pilotatge, organizacion

Lo servici que fonciona mercés a un engatjament de l'Estat (dus pòstes 1^èr e 2^au grads hicats a disposicion peu Rectorat de Bordèu e un pòste de 2^au grad peu rectorat de Montpelhièr), a las subvencions de las regions Navèra Aquitània e Occitania peu biais de l'OPLO (Ofici Public de la Lenga Occitana) e deus conselhs departamentaus deus Pirenèus Atlantics e de Dordonha.

Comitologia :

• Comitat de pilotatge : qu'ei compausat de l'equipa deu CAP'ÒC, deus representants elejuts de las diferentas collectivitats territoriaus, deus tecnicians, deus representants de l'Educacion nacionau (rector/DASEN, còs d'inspeccion). Que balha las granas orientacions budgetàrias e editoriaus.

• Comitat editoriau : qu'ei compausat de l'equipa deu CAP'ÒC, deus IPR d'occitan, deus conselhers pedagogics, e d'ensenhaires ressorça qui pòrtan los besonhs deu terrenh. Que valida e que prioriza las proposicions.

• Comitat tecnic e pedagogic : qu'ei compausat de l'equipa deu CAP'ÒC, deus representants de las collectivitats territoriaus (capdaus de servici, encargats de mission). Que valida tecnicament e financèrament los projèctes retienguts peu comitat editoriau.