Qui èm ?
Creat a Pau en 2001, lo CAP’ÒC, Centre d’Animacion Pedagogica en Occitan, uei installat a l'INSPÉ, qu'ei purmèr un servici deu CRDP d'Aquitània puish en 2017 de la Direccion Territoriau Navèra Aquitània de Réseau Canopé tà las academias de Bordèu, Lemòtges e Peitius.
En 2016, lo territòri d'intervencion qu'ei espandit a la Region Occitània e donc a las academias de Tolosa e Montpelhièr.
Las missions :
• L'edicion e la creacion de materiau pedagogic e la concepcion de documents d'espleitacion d'acompanhament ;
• La mesa a disposicion de ressorças (mediatèca, site internet) ;
• La collaboracion dab d'autas estructuras tà hargar acompanhaments pedagogics de projèctes d'educacion artistica e culturau ;
• La formacion iniciau deus estudiants (INSPÉ) e la participacion a accions de formacion continua a l'entorn de las creacions deu Cap'òc.
L'edicion pedagogica qu'ei subvencionada per las duas regions Navèra Aquitània e Occitania peu biais de l'OPLO (Ofici public de la Lenga Occitana) e peus departaments deu Pirenèus Atlantics e de Dordonha. Que permet ua difusion a gratis deus obratges sia aus escolans, quan s'ageish de fichèrs de matematicas per exemple, sia aus establiments escolars (àlbums de literatura, romans), sia aus ensenhaires (PDF numerics deus manuaus d'istòria geografia de la 6au a la 3au).
L'Estat que hica tres pòstes a disposicion (peu biais deus rectorats de Bordèu e de Montpelhièr). Réseau Canopé que pren en carga un pòste de cap de projèctes transmèdias e que hica a disposicion tota la soa logistica e los sons servicis com los servicis juridics, informatics, administratius e financèrs…
Aliats financèrs
