La carta

Un àlbum cabís-cabés, dab un raconte grafic d'un costat, shens tèxte, cinc contes d'Occitania de l'auta part e au miei...ua envelòpa dab ua carta postau.

Raconte grafic deu Lac de las Ribas tanben nomat Las Aigas. L'illustracion de la trama narrativa que’s completa a fin e a mesura de las paginas dinc a la composicion sancèra deu paisatge : un lac qui's plea chic a chic. 

Aquera istòria shens tèxte que s’acaba hens la crampa d’ua  mainada qui vien de recéber ua carta postau. Qui li a escrivut ? Perqué e i a d’autas cartas postaus sus la paret au dessús deu burèu ? D’on vienen ? Los  contes  presentats hens l’auta partida d’aqueth libe qu’ajudaràn dilhèu a descodar lo ligam estujat qui arreliga totas aqueras istòrias.

Cinc contes, cinc lòcs qui contan çò que i a au-delà deu hons de l’aiga, cinc cartas postaus.
Qu’ei çò qui los liga ? Un país ? Pairans chepicós de har passar la cultura loa a l’arrèrhilha ?
O aquera part de mistèri qui s’està en los lòcs d’aiga a noste ?

Tres contes en occitan lengadocian, un en lemosin e un  en gascon

• Las aigas, contat per Ives Durand
• Lo niu de las sèrps contat per Bernard Cauhapé
• La vila englotida de Balaruc contat per Stella Fontana
• Las clòchas dau Saut dau Chaslar contat per Jaumeta Bauzetie
• La hada deu ponton contat per Serge Mauhourat