Pescaires de mots
Un imatgèr, ua istòria e ua letra...

Quin escríver ua letra quan ne sabem pas quin escríver los mots ?

#escòla#mots#escríver#letra#imatgèr

Lo Joan-Peish 
Lo conte a l'origina d'un nom d'ua montanha qui a la fòrma d'un peish... 

#conte #montanha #peishs

Lo Minjachepics
Conte arron lo carnaval en Bearn. On se'n van los chepics un còp cremat ?...

#Carnaval #chepics #Sent Pançard

La nueit que's minja lo dia 
A noste, despuish los temps vielhs dinc a uei, quan la nueit e’s minja lo dia,
lo monde que saben qu’an de desvelhar l’ors tà desliurar la prima.

#temporada de carnaval # ors

L'abelha e lo mosquit
Un mosquit qui vira, qui vira, qui vira... ajudat per ua abelha.

# amistats # peguèssas

Lo mainat de nèu 
Un mainat de nèu qui va arregaudir la vita d'un òmi e d'ua hemna lo temps d'un ivèrn.

#ivèrn #huèc Sent Joan #familha #amor #tendressa #mort (despartida)

Maria la hagarda 
Maria qu'ac hèi tot, vertadèrament tot, dinc au dia...

#vantariòla

Lo crabòt deus camparòus
Un conte a la cauç deus camparòus...

#sèuva #camparòus

Lo gatòt e la bossòla
Ua rondalèjada

#gat #bossòla #passejada #encontras

Pirèn
Ua orsa, vaduda en los Pirenèus, que'ns conta la soa purmèra annada de vita
au briu de las sasons:  la descobèrta de l'enviroament de montanha, los encontres,
los estonaments e las cranhenças. 

#ors #Pirenèus #biodiversitat

Pòl Emili
(Edicions Vistedit)

44 aventuras deu joèn inuit Pòl-Emili. Cada pagina qu'illustra ua de las soas aventuras
o mesaventuras.

Las aventuras de Pelut
(Edicions Vistedit)

28 hèitas en benda dessenhada, de Pelut, lo can : La pesca, Pipòt de neu,
La hèsta, Lo chivalièr, Piratas, Los monstres, Can vaquèr, Jòc perilhòs, La plaja, Explorators, Ausèths plapaires, Ventolèra, Pelut pompièr, Lo rei Pelut 1èr, Au banh,
Qu'èm pressats, Rencontre, Pluma d'auca, Ratapenada, Suspresa, Candelèra,
Quin nhac, Tracanard, Lo caçaire, Los desquilhaires, Com cans, Pòrta barrada,
Las colors o l'aulor.

#BD 

Pòbles
(Edicions Vistedit)

La cultura e la faiçon de víver ne semblan pas tostemps aus nostes e tant miélher.
La diversitat, quan ei espiada dab curiositat que mia au respècte de l'aute.

Compilacion aquiu de reportatges de cap au monde : Tailanda, Amazònia, Gabon,
Asia...

# cicilizacion e cultura #pòble d'Asia #pòble d'america #pòble d'Euròpa

Lo secret (T. Pambrun)
(Edicions Vistedit)

Merliquin qu'a un secret. Mes a qui hidà's ? Los amics que son cuentats
e ne'us vaga pas de l'escotar.

Colorinas  (T. Pambrun)
(Edicions Vistedit)

Un còp èra un ostalon pichon. Mas l’ostalon se languissiá tot blanc sus sa pagina blanca. Trobarà de monde per li donar de colors.

#colors #maison

Hòu dejà (T. Pambrun)
(Edicions Vistedit)

Las bèstias que son chepicadas : lo pair Nadau que poderé estar en arretard...

#Nadau 

Jan de l'ors

Jan de l’Ors qu’ei mieitat òmi, mieitat ors, e qu’averà de har vàler la diferéncia soa de cap a ua societat qui se’n ved tà adméter que se posca seguir un aute camin que lo son.

#conte tradicionau #Mitologia #diferéncia

Graneta (T. Pambrun)
(IEO-IDECO)

La descobèrta de las sasons dab e a trubèrs la vita d'ua graneta.

#sasons #natura #germinacion #cicle de la vita

Sciéncias exeperimentaus e Tecnologia
Colleccion Tavernier (Prog. BO 2002)
 

#matèria #vivent #observacion #analisi 

75 enquèstas tà descobrir lo monde  
Edicion Magnard
 

#matèria #vivent #temps #aspaci

Los mondes deus petits e deus grans e son vertadèrament diferents ? A saber ! Que s'i tròba a l'encòp simbolicas, e descripcions de la vita au mei córrer quan cau partir de cap tà las estivas.

#sauneis #montanha #conte iniciatic

Lo gatòt d'Elodia 

L'istuèra en benda dessenhada deu gatòt d'Elodia, qui, embestiat peu can, enten a parlar d'ua potinga qui torna l'apetit aus mainats. E si...

#BD #peguèssas

Contes de Fèlix Arnaudin en bendas d'imatges
(Edicions Petit à Petit)

Ueit contes de Félix Arnaudin : "Lo ueu de la mula" - "Los tres qui volèn parlar francés" - "Las hadas deu tuc de Bombèt" - "La maison deus lops" - "Lo pifraire" -
"Lo perèr de Misèria" - "L'agla e lo recochic" - "Lo sarto e la hemna deu notari."

#BD #contes tradicionaus

 A tu per jo (P. Guilhemjoan, H. Couture, S. Mauhourat)

Metòd d’aprenedissatges lingüistics e culturaus taus començants. Ua faiçon ludica
e dinamica d’apréner la lenga peu biais de 10 pajas de benda d’imatges, de dialògues,
de cantas, de cartas flash.
 

#occitan gascon #aprenedissatge de la lenga #cultura #BD

Lo Prinçòt (Saint-Exupéry)

Un aviator, en panna au bèth miei deu desèrt deu Sahara, que hè l'encontre
d'un mainat que li demanda de li dessenhar un moton...

#conte poetic #conte filosofic #amistat #amor #literatura 

Palhassa (T. Pambrun)
Conte de creacion tà descobrir e apréner la lenga.

#palhassa #teatre #liberet pedagogic #competéncias linguisticas A1

Doble murtre a l'abadia (J. Mirande)

Fin deu sègle XIII^au, a l'abadia d'Autafaja, un pelegrin qu'ei arretrobat assassinat.
L'enquèsta que comença de tira. 

#roman policièr #Edat mejana # religion # amor # mort # enquèsta

La ràzzia de las Moscas (G. Hubert-Richou)

París 1750 : qui èran aqueths personatges misteriós de negre vestits qui raptavan
los mainats de las arruas ?

# roman policièr #raubatòri #mainats #enquèsta #praubetat #amistat

Lo còth arroi (S. Mauhourat)

Un ausèth, arbós...un conte sus l'arcuelh e la diversitat e quin lo còth arroi
e s'a trobat un nom...

#varietats arbós # diferéncia #acceptacion #conte

Lo reipetit

Un dia, au ras de la halha, l'ausèth que s'adromi e lo huec que s'estupè.
Lo sèr, la calor que s'èra morta e lo vent torrat que tornè començar de nhacar.
O quin lo reipetit e s'a gahat lo nom.

# solidaritat #diferéncia #har còrda #ausèths

Cubet en çò deus Tots Ronds (Ch. Merveille)
(Edicions Per Noste)

Pair e mair Tots Ronds qu'an un mainat qui ne'us sembla pas. Que s'apera Cubet.
Los pairs que l'aiman hèra mes qu'ei arrebocat per tota la familha. Dinc au dia on...
 

#diferéncia #qualitats

Los tres cosmonautas (Umberto Eco)
(Edicions Per Noste)

Tres cosmonautas, guaire rassegurats, un american, un rus e un chinés qu'arriban
sus Març on encontran un Marcian pas tan maishant.

#solitud #sensibilitat #diferéncia #har còrda

Istòria d'un calhòc e deu gat qui l'ensenhè a volar (L. Sepúlveda)
(Edicions Per Noste)

Zòrbas, un gat gran e negre, dab un sens de las responsabilitats deus grans que s'encuenta d'un calhòc deishat per la mair morta gahada dens ua andada de petròli largada per un batèu mespresable.

#solidaritat #amistat #aprenedissatge #animaus

SCOOP !
(Edicions Per Noste)

Revirada deu roman de Gianni Rodari. Scoop a la una deu jornau !

Hè partida de la lista cicle 3 de literatura (seleccion d'òbras tà l'escòla elementària)

Vesins virahòus e autes hèitas... 

Un recuelh de hèitas bracas (26) a léger sol lo ser o acompanhat.
Taavi e la soa mamà que demoran en un immòble extraordinari. A cada solèr, los vesins que son mei virahòus los uns que los autes.

#aventuras #imaginacion #relacions òmis/objèctes #enfància

Brigalhas de letras (A. Thiollier)
(Edicions Per Noste)

A travèrs lo portrèit d'un adolescent paracadudat en ua cultura que ne descòda pas, l'autor Anne Thiollier que'ns convida a descobrir l'us e las leis d'ua comunautat.

#immigracion #exil #correspondéncia #racisme #China #familha #adolescéncia

Com lo Lop Blanc (E. Battut)
(Edicions Per Noste)

Un lapinòt que's proclama rei de la Garenna e que cassa tots los amics ancians. Mes que serà batlèu desapitat per un lapin mei gran.

# deslagastatge etnic #discriminacion #exclusion #lapin #racisme

Mei hòrt que jo que i a !

Conte de rondalèjada suu tema "Que i a mei hòrt que jo!"

#rondalèjada #elements meteorologics #montanha

Fifi l'aulheta (oc+Fr)

Edicion bilingua (francés/occitan-bearnés) qui conta l'istòria d'ua aulheta

qui vòu anar véder çò qui's passa aulhors.

La bèstia de sèt caps

3 versions (de la mei simple a la mei complexa) entà perméter un tribalh de lectura
en classa sus tres nivèus.
« Un còp èra, un òmi e ua hemna qui èran hòrt praubes. A la bòrda qu’avèvan
ua canha e ua prauba cavala magras. Tà víver, que tribalhavan un tot petit casau
 l’òmi que pescava en un arriu pròche de casa .»

# lectura classa multinivèu #re-escritura d'un conte tradicionau

La sopa de soritz (A. Lobel)

Ua soritz qui, urosament aimava los libes, que's botè a contar istòrias tà ganhar temps e temptar d'escapar au maishant sòrt qui la reservava ua paquesa.
 

#lectura #animaus #novèlas cortètas

Lo casau de Colau (T. Pambrun)

En casau de Colau, tot qu'ei en òrdi, las ortalissas beròi alinhadas. Mes lo país que fresqueja, la sason que se'n va e qu'ei temps de hèr sopas...

Conde, Condilhon
(Eth ostau comengés)

Recuelh de 10 contes tradicionaus occitans cuelhuts en Larbost, en la vath de l'Arbàs, Vathmala o a Aulús. Joan Pau Ferrè e Pascala Respaud qu'an realizat aqueth obratge bilingüe occitan-françés e qui ei illustrat per Crestian Louis.

Los Indians ne disen pas arren (A. Maurel)
(Per Noste)

Piratas, soldats, chivalièrs... Tota ua corderada de guerrèrs que se'n van tau combat. Que bracejan e que s'esganurran, quan los indians, anatz saber perqué, ne disen pas arren... Aquesta istòria qu'ei ua invitacion a la non-violéncia e a l'amor...

#guèrra  #patz #toleréncia #amor

Quin tirà's lo lop deu puisheu ? (C. Chabert)
(Per Noste)

Un còp èra, que i avè un ligòt de motons paurucs qui volèn a tot hòrt tirà's
deu puisheu un tarrible lop glapaut. Lavetz, qu'avón au torn ideas susprenentas
e estonablas : atucà'u dab un rocàs, enganar l'enemic en se desguisar... en lop !
minjar dinc a en hlar comm crums e envolà's enlà deus sons caishaus...
L'imaginacion deus motons e i harà càber la hami deu lop ? 

#lop #motons #imaginacion 

Lo manètge deu Pèir Petit (M. Piquemal)

La vita desacostumada de Pierre Avezard, vadut tot mau fotut, tot palanquèr,
tot torçut, qui fabriquè un manètge extraordinària, védeder enqüèra uei
a la Fabuloserie, a Dicy (dens l'Yonne).

#diferéncias e handicap #activitat artistica #umor

Lo secret deus bòscs de Lascaus (T. Félix)

Aquèth album sus la descobèrta de la celèbra cuèva de Lascaus que's lei
com ua aventura qui l'exactitud istorica e'u da lo parat de servir de referéncia.
Ua faiçon mei beròja entà saludar aquera descobèrta extravaganta, on la ficcion
despassa la realitat, au punt de vàder un excellent scenari de benda d'imatges.

#patrimòni #BD #Istòria 

Poriqueta

Un còp èra, ua pora, a fòrça d'espernicar la tèrra, que descobrí ua saca
de pèças d'aur. Que'u hidè a un òmi plan vestit, qui jamès ne l'i tornèva.
Un dia, que decidí de préner lo camin entà se n'anar cercar la borsa.
Qu'encontrè a ua vop, puish un lop, puish un arriu...

#construccions sintaxicas

Lo Capuleton roi (Ch. Perrault)
(Camins)

Arrevirada deu Capuleton roi. Enviada en çò de mairbona tà li portar
un drin de burre e ua galeta lo capuleton roi qu'encontra au lop...

#lop #conte 

Passejada aus quate vents (T. Pambrun)

Ua mainada, un casau, un arbó e quate brancs...

#casau #imaginacion #passejada

Tres ueus (E. Battut)
(Per Noste)

Tres ueus en un nid, un negre, un blanc e un pigalhat. Un auseron blanc que sòrt de l'ueu. Un auseron negre que sòrt deu son, e tots dus qu'espian l'ueu pigalhat au miei deu nid.

#diferéncia #tolerància #exclusion

Mistèri en cosina  (J. Marque)

Las enquèstas de En Porret (T1). A la velha d'ua hèsta familhau de las granas, un crime estranh qu'estó cometut dens la cosina de Dauna Juliana : lo somptuós capèth de Lady Felicity qu'estó panat.

#jòcs de mots #crime #enquèta policièra

Lo rei de las agraulas (J. F. Bladé)

Un gran conte meravilhós de Joan Francés Bladé, gessit de la soa òbra maja, los Contes de Gasconha. Plan beròi illustrat per Sofia Vissière.
Un libe qui agradarà aus mainats qui descobriràn quin lo Rei de las Agraulas e la hilha de l'Òmi verd e's maridaràn e las espròvas qui s'enseguiràn tà poder, fin finala, véncer los sortilègis…

#conte tradicionau

De qui ei ?

Ua murgueta qui a trobat ua esquireta e qui cor las estivas entà saber de qui pòt estar.

Un àlbum de lectura, pretèxta a la descobèrta de las sonalhas dens los Pirenèus.

#lectura #sonalhas #animaus pirenencs

Comptinas
28 comptinas

Tan petit (L. Cohen)
(Per Noste)

Un àlbum tà compréner a quin punt èm tots Tan petits...

Tan Gran (L. Cohen)
(Per Noste)

Un àlbum entà compréner a quin punt èm tan grans.

La gatamina qui avè hèra de hami (E. Carle)

Un classic hèra coneishut.  Un libe qui escad la proessa de har descobrir en medish temps los jorns de la setmana, los aliments, las chiffras, lo cicle de vita deu parpalhon… e de retiéner l’atencion dab aqueths famós horatòts !

Ça-i

Un lapin blu que ved a passar a de reng d'autes animaus eths tanben drin diferents d'animaus coneguts. L'un après l'aute, que l'i demandan de viéner, de'us seguir.
Que diserem qu'an un rendetz-vos. Mais on, dab qui e perqué ?

#carnaval #prima # ors #dança #hèsta #desguisaments

Ua aventura au còr deu Paleolitic seguida d'ua auta au Neolitic. 

#paleolitic #neolitic #complement istoric

Jantin deus peluts (M. Piquemal)

Pendent la guèrra de 14, l'istòria d'ua amistat enter un mainat e un soldat.

#guèrra de 14-18 #letras deus peluts # complement contèxte istoric

Antoni o la Resisténcia

1939, Argelers en Rosselhon. Antoni qu'arrecoteish tau camp de refugiats espanhòus dab la soa mair e la soa sòr. Que i deven retrobar a son pair, Jordi, resistent republican exiliat de fòrça au darrèr de la victòria de Franco.

#retirada #Espanha Franco #immigrats #camps de concentracion #Resisténcia

L'ostau deus lops (A. Lagarde)
(Letras d'Òc)

Un repaish de hèsta dens ua bòrda. Au menut lo hasan. Mes avisat peu gat, que serà l'auca, qui avisada peu gat serà remplaçada per lo marro, etc. Fin finau tot aqueth monde que s'escapa en la sèuva e que's hica a l'acès dens...l'ostau deus lops partits timponejar.

#conte tradicionau #solidaritat #amistat #animaus

Lo bevedor de tinta (E. Sanvoisin)

L'aventura d'Odilon qui ajuda au pair dens ua libraria e qui descobra ua practica (client) estranha...

#vampir #bibliotèca #libes #metamorfòsi #plaser de léger #aventura

Ua sopa de calhau

Un lop que s'installa en çò de la pora tà har ua sopa.

#repaish #amassà's #partatjar #amics

Que'm triga doman !

Qu'ei l'istòria d'un personatge qui'ns conta las emocions, las pensadas, los sentiments un dia de rentrada.

#la rentrada #los temps de l'escòla #quid pro quo #emocions

La carta

Un àlbum cabís-cabés, dab un raconte grafic d'un costat, shens tèxte, cinc contes d'Occitània de l'auta part e au miei...ua envelòpa dab ua carta postau.

#lectura d'imatges #contes tradicionaus #interdialectalitat #transmission #pairsbons #aiga

Pèir e lo lop

Adaptacion en occitan gascon deu conte sinfonic de Prokofiev

#lop #conte musicau

7 camins
Jòc de carta

#jòc #mitologia pirenenca

Xola (B. Atxaga)

Xola qu'ei ua canhòta qui sap léger e parlar. Que s'interèssa de mei près a un libe suus leons. E que n'ei segura, qu'ei l'arrèrhilha dirècta d'aquestes animaus.

#roman #imaginacion #identitat 

Lo roman de Renart 

9 aventuras tà perméter aus collegians e liceans de descobrir o tornar descobrir aquesta òbra patrimoniau, per l'entrada de l'Edat mejana, l'enluminatge, la societat feodau, l'epopèia animalèra o enqüèra la rusa e la venjança, mes tanben lo contèxte istoric e culturau occitan dabs los Trobadors.

#patrimòni literari

Tres aventuras deu roman de Renart 

• Renart e los jambons d'Isengrin
• Tiecelin e Renart
• Cantaclar e las poras que demandan justícia au rei

Duas novèlas ineditas de Michel Piquemal : 

• Ua simpla question de justícia : 
  Mario qu'ei un mainat de las carrèras. Que sauneja, eth qui a ua mala hami, a un enterpan qu'a decidit de s'auherir. Mes après ua hurgada deus policièrs que s'apercèu que l'an panat lo bilhet tà's crompar l'enterpan tant esperat.
• Lo deute de Paco : 
  Paco qu'ei orfalin. Que truca deu matin dinc au ser, au hons d'ua mina de carbon, entà pagar lo deute de son pair mort dens l'esbonida d'ua galeria. 

#praubetat #injustícia #tribalh deus mainats 

#teatre #umor #tendressa 

La caisholèta d'Anatòli (I. Carrier)
(Per Noste)

Anatòli que s’arrossega tostemps la caisholeta au darrèr. Que’s hè gahar drin pertot e que l’empacha d’avançar. Un dia que n’a mei que pro. Que decideish de s’estujar. Mes urosament, las causas ne son pas tan simplas…

#diferéncia #handicap # tolerància #traumatisme psicologic

Las aventuras d'Isengrin (A. Lagarde) (Lengadocian)
(Camins)

Las aventuras de Rainard e Isengrin : aicí l'adaptacion per Andrieu Lagarda dels racontes mai coneguts del famós Roman de Renart. Dins una lenga blosa e aisida, descobriretz totas las rusas de la mandra e los torns que jòga a son compaire, lo lop Isengrin. 

Beròja vita de can ! (C. Voltz)
(Per Noste)

Dià ! Que hè un hred a pelar aqueste matin, un temps de can ! La jornada que comença mau e lo noste omiòt que la va traversar com un gran zoo poplat de tot l’ahoalh de las expressions animalèras. Tots los noms d'ausèths qu’i van passar, mes un encontre hèra imprevist que’n harà un moment hèra uman a la fin finau !

#vita vitanta #tribalh #illustracions originaus #Christian Voltz #materiau de recuperacion #expressions en lenga #vocabulari

Tostemps arren ? (C. Voltz)
(Per Noste)

Lo sénher Loís que planta ua semença e que torna mantun jorn de seguida entà constatar l'evolucion deu semiatge. Qu’a paciéncia, mes dab limits.

#grana #paciéncia #jardinatge #casau #flor #temps 

Deu bohonet que volè saber qui l'avè hèit suu cap (W. Erlbruch)
(Per Noste)

En sortir de casa, lo bohonet que s’amassa suu cap un estrontàs shens saber d’on vien. Plof ! Tà trobar lo cagador, que hè anar l'enquèsta en questionar las bèstias qu'encontra. 

Escatologica com ne’s pòt pas mei, mes hèra amusanta, l'istòria qu’encanta e diverteish
los petits 

#cacà #netetat #petita enfància #enquèsta #bohon

Febus Zenit (T. 1) (J. Lacroix)

Lo rei d'Anglatèrra qu'envia un espion a la cors de Gaston Febus entà saber çò qu'a en cap l'arsecós bearnés.

#BD #Edat mejana #guèrra #manigança #batalha #reis #espions

Febus Solelh Negre (T.2) (J. Lacroix)

Ric, malin e colerós lo Febus qu'a mantuns ennemics. Qu'escapa per prim a ua temptativa d'emposoament.

#emposoament #rei #enquèsta

Febus Eclipsi (T.3) (J. Lacroix)

Febus n'a pas mei arren de provar. Que torna en Bear tà's pausar e profieitar de las soas passions, las arts e la cassa. Qu'a amassar riquèssas de las granas e n'a pas nat eretèr. De qué suscitar cobedessas e maniganças.

#argent #poder #eretatge #cassa #arts

Harry Potter
(Per Noste)

Harry Potter que pensa d’estar un gojat ordinari, dinc un gigant de las subercilhas espeluhadas e’u vieni sauvar, que s’inscrivi a Hogwarts, l'escòla de broishami, qu’apreni a har au quidditch, e que's bati en un duèl mortau. La rason… HARRY POTTER QU’EI UN BROISH !

#aventura #amistat #magia #escòla de magia #suspens

Lucian, lo lop vegetarian

Lo lop qui hè paur a tot lo monde qu'ei vegetarian. Lhèu fin finala qu'ei charmant...

#paur #legumatge 

Museta, Murgueta
(Per Noste)

Harta deu brut deus vesins, Museta la murgueta que's dèisha lo solèr e que se'n va en cèrcas d'un navèth sobac. Pendent lo son viatge, qu'encontra bèstias hèra diferentas d'era, mes nada non la pòt arcuélher. Lavetz, qui volerà partatjar soa casa e obrí'u lo còr ?

#descobèrta deu monde #partatge #monde desconegut #illustracions e pintres coneishuts
#rondalejada

On va où ? (C. Serres)
(Ed. Cipango)

Libe shens tèxte, illustracions de Cécile Serres. Un àlbum, duas istòrias qui's juntan au miei de la Mediterranéa. Las istòrias d'un ors polari qui a deishat la banquisa e d'un mainat africa qui deisha la misèria.

#illustracions #ors #guèrra #poesia #viatge

Lo petit Nicolas 
(IMAV édition)

E sabetz qui ei lo mainadet lo mei polit, lo mei charmant, lo mei malin lo mei impertinent tanben ?

#amistat #peguèssas #umor #escòla

Parlar

"Parlar que balha lo mei bon parat de s'enténer. [...] ensaja de compréner lo punt de vista [de l'aute], respone'u, en acceptant l'idea de bas que l'aute esi capable d'evoluar e que jo tanben soi capable d'evoluar."

Mantuns subjèctes a l'entorn de la paraula, de l'escota, de la lenga, etc.
A cada subjècte ua dobla pagina, ua faiçon simpla e rapida de lançar la discutida e la reflexion arron deu subjècte.

#comunicacion #filosofia #adolescents

La mala hami de Mainadet 

Arrevirada per las Edicions Per Noste de "La grosse faim de Petit Bonhomme" de Pierre Deyle - Seleccion Educacion nacionau

"Dens la vila, que i a ua carrèra. Dens la carrèra, que i a un ostau. Dens l'ostau, que i a ua crampa. Dens la crampa, que i a un lheit. Dens lo lheit, que i a Mainadet e dens Mainadet, que i a un vente tot vueit. 

Au casau de Menina

Àlbum de creacion arron lo casau dab los animaus qui ajudan a la cotivada deu legumatge.

Un àlbum tà discutir a l'entorn deu casau, deus diferents actors deu casau, deu legumatge e deus animaus qui ajudan. Lo parat de compréner las relacions ecologicas qui existan en aqueste casau.

Un ariçon plan curiós que cèrca lo casau de Menina, pr'amor que n'a entenut a parlar per totas aquestas petitas bèstias qui i demoran o qui coneishen a quauqu'un qui i demora. 

#casau #legumatge#desvolopament duradís