En aliança dab lo Conselh departamentau deus Pirenèus Atlantics, lo CAP'ÒC qu'organiza, despuish quauquas annadas, ua virada espectacle viu en occitan en direccion deus publics escolars.

La Virada Joen Public 2019 que’s debanarà deu 18 au 29/11 : calendari
L’espectacle presentat Jan de l’ors que s’adreça aus escolans deus cicles 2, 3, 4 e licèu.

Tres artistes, Yves Durand tau conte, Coline Hateau tà las arts visuaus e Thomas Baudoin tà la musica que juntan lo lor engenh tà’ns contar ua version originau de  « Jan de l’ors ».

Espectacle de conte illustrat per elements visuaus (vegetaus, objèctes, radiografias, jòcs d’aiga e de tinta) ombrejats dirèctament sus ua tela qui participan a l’evocacion deus diferents tablèus deu conte.
Lo contraste entre los instruments acostics e los tractaments sonòrs mei complexes que son autant de traduccions sonòras de las multiplas repeticions deu recit marcant lo caractèr obsessiu e tenut deus passatges deu conte.

Aquesta manifestacion qu'amassarà 1430 mainatges de 75 classas sus 5 sites : Laruntz, Pau, Auloron, Monenh, Ortès

Tèxte deu conte
Àlbum en telecargament
Pistas pedagogicas de l'àlbum :
- collègi