Qu'ètz aquiu :   Arcuelh » Cicle 3
 
 
Utís pedagogics
 ↑  
Animacions de projèctes
 ↑  
Ressorças numericas
Visitas

 508074 visitaires

 9 visitaires en linha

 ↑  
  • La participacion ad aqueste projècte matematic, deu tipe "Desfís Matematics”, qu'ei completament libre (e a gratis !)
  • Qu'ei perpausat peus conselhèrs pedagogics de la circonscripcion d'Auloron mes que son tà tots los qui vòlen.


Cada classa qu'ei libra de respóner shens inscripcion. Que sufeish que la responsa sia tornada a l'adressa mèl : capoc@ac-bordeaux.fr
Lo foncionament dens las classas qu'ei tot a fait libre. Que podetz tornar:

- ua responsa per classa,
- mantuas responsas per classa,
- tota la classa que pòt cercar lo problèma,
- un grop d'escolans pòt cercar lo problema
.

 

Arquius: Pbs seria 1 ; seria 2 ; seria 3

Lo pavatge de Martina
Martina que hè un pavatge dab triangles identics.
Que comença per assemblar 9 triangles arron d'un punt C com sus la figura. En seguir, qu'entorneja aqueths nau triangles per ua corona d'autes triangles, tots identics...

Telecargar lo document - document tà la manipulacion
Traçat geometric au briu deus atges
Que'vs perpausam un tribalh en geometria sus la tematica deu traçat geometric au briu deus atges.
Que s'ageish d'arreprodusir elements decoratius trobats sus uns monuments o sites istorics.
Lo desfís que consisteish a tornar har ua o mantuas figuras en s'ajudar de las indicas balhadas sus cada fica.
- Au real Alcazar de Sevilha : composicion d'azulejos (pavatges)
- La flor de vita : dessenh trobat sus roeinas en Egipte datant de 1200 abans J.C.
- Le pont deus sospirs : barrolh de frinèstas, Venècia au sègle XVIIau
- Ua mosaïca romana : trobada sus un site arron de Sevilha datant deu tresau sègle après J.C.
- La chifra de Diane de Peitius : monograma d’aqueste personatge istoric deu sègle XVIIau , compausat de tres còrns de lua trilhats.



 

Petits cubes e cube gròs !
 Aqueth gran cube qu'estó obtiengut per apielatges de petits cubes identics.
Quant de cubes estón apielats ? Telecargar lo document
 
Que pintram en roi los 6 costats deu cube gròs puish que triam los petits cubes.
Quant de cubes an :
Ua sola fàcia pintrada ?
Duas fàcias pintradas ?
Tres fàcias pintradas ?
Mei de tres fàcias pintradas ?
Nada fàcia pintrada ?

Un veire que va !
Qu’ei l’arresopet, Emili e los amics sons que brindan entre eths tà hestejar l’annada navèra. Que s’entenen 45 patic-patacs de veire.
Quant i avè de personas qui participavan a la hèsta, tot en saber que cadun que brindè sonque un còp dab cadun deus autes ?
 
Tirat de : adaptat deu « Rallye Mathématiques Midi-Pyrénées » IUFM Mieijorn Pirenèus, IREM de Tolosa.

 

 A la bibliotèca
 A la bibliotèca, Alina, Benitò, Carlà, e Dàvid que s'an pres un libe. Cadun que se l'a causit dens un genre diferent : roman policièr, conte, BD, document.
•    L'un deus amics d'Alina que s'a pres un roman policièr
•    Carlà e Dàvid ne s'an pas pres de conte
•    Benitò qu'e s'a pres ua BD
•    Dàvid n'a pas causit un libe documentari aquesta setmana
E pòdes trobar quau genre de libe estó emprontat per cada mainat ?

Que pòdes, au ton torn, escríver un tèxte de problèma deu medish tipe. Que'u testa au ras deus companhs de la toa classa. Que l'envias per mèl au Cap'Òc, atau los escolans de las autas escòlas bilinguas de cicle 3 que'u poderàn cercar.
Que pòdes imaginar per exemple situacions dab mainats qui jògan ròtles diferents dens ua pèça de teatre, personas qui s'apelhan diferentament tà Carnaval, personas qui demoran dens ostaus de colors desparièras... o tota auta situacion de la toa invencion !


Tirat de : Pierre Berges conselhèr pedagogic d'Auloron, adaptat d’ua situacion perpausada dens « Défi Maths CM1 », Retz édicions.
L'escalèr
•    Si baishi los gradèrs de l'escalèr 2 per 2, que me'n demora ua per arribar a baish.
•    Si baishi los gradèrs 3 per 3, que me'n demora 2.
•    Si baishi los gradèrs 4 per 4 o 5 per 5, que'm demora 3 marchas.

Lo men escalèr qu'a mensh de 50 gradèrs, mes quant exactament ?

 


Catalògue de las edicions
Mediatèca
Recèrca
 
Barrar
Qu'ètz aquiu :   Arcuelh » Cicle 3