Creat a Pau en 2001, lo CAP’ÒC, Centre d’Animacion Pedagogica en Occitan, installat a l'INSPÉ (site de Pau), qu'ei  purmèr un servici deu CRDP d'Aquitània puish en 2017 de la Direccion Territoriau Navèra-Aquitània de Réseau Canopé tà las academias de Bordèu, Limòtges e Peitius.

En 2016, lo territòri d'intervencion qu'ei espandit a la Region Occitania e donc a las academias de Tolosa e Montpelhièr.

Las missions dinc a 2024 : 

• L'Edicion e la creacion de materiau pedagogic
• La mesa a disposicion de ressorças (mediatèca, site internet)
• L’animacion de projèctes (Educacion Artistica e Cultura tau departament 64)
• La formacion iniciau e continua deus ensenhaires (INSPÉ, dispositiu Ensenhar)
• L’acompanhament de las politicas lingüisticas

Despuish 2024, lo servici que's concentra sus la mission d'edicion e de mèsa e disposicion de ressorças pedagogicas mercés a la difusion deus obratges dens los establiments escolars, a la mediatèca e au site internet.

Aquera edicion pedagogica qu'ei subvencionada per las duas regions Navèra Aquitània e Occitania peu biais de l'OPLO (Ofici public de la Lenga Occitana) e peus departaments deus Pirenèus Atlantics e de Dordonha. Que permet ua difusion a gratis deus obratges sia aus escolans quan e s'ageish de consomables (fichèrs de matematicas per exemple deu CP au CM2) sia aus establiments escolars (àlbums de literatura, romans), sia aus ensenhaires (PDF numerics deus manuaus d'istòria geografia de la 6^au a la 3^au)

Presentacion