Lo Quesaquò e lo Mascomprès que son dus amics acompanhats peu Marchadedins e lo Chivau Drapèu dus companhs pas coma los autes. Lo Chivau Drapèu qu'ei un chivau legendari. Qu'aima contar las istòrias. E lo Marchadedins que sauneja de'u póder cavaucar un dia. Lo Marchadedins qu'ei tostemps dab lo Quesaquò, mentre qu'aqueste, curiós de tot, ne s'estanga pas de pausar questions au Mascomprès cercaire de responsas e inventaire d'engèni.
Lors aventuras que son miaçadas peu Glomi. Eth, qu'a en hasti  los contes e las invencions ! Tot racionalizar, numerotar, rénder eficaç, aquiu la mira soa. ! Que vòu esfaçar totas las istòrias e los noms de las causas pr'amor  « ils ne servent à rien ! »

Aqueste espectacle que permet de tribalhar diferents maines, subertot :

- la lenga :
       - genre teatrau : mesa en vita, mesa en votz, mesa en espaci
       - l'orau : contar, expression de sentiments, d'emocions, entercambiar
       - lo lexic : tà exprimir emocions, gosts, interpretacions, lo camp lexicau deu teatre
- la descobèrta deu monde :
       - construccion de repèris temporaus
       - construccion d'objèctes tecnics
- las arts visuaus :
       - l'invencion d'objèctes, de maquinas extraordinàrias
       - las influenças artisticas qui's desgatjan deus costumes e deus accessòris : los blus, lo bestiari (Marc Chagall), lo Steampunk...
- l'educacion musicau :
       - l cant
       - la dança